Puntland & Jubaland oo ka baaqday dhexdhexaadin uu Turkigu hoggaaminayo oo ka dhacday Muqdisho
07 July 2026 (Puntlandes.com) Puntland iyo Jubaland ayaa ka gaabsaday ka qaybgalka kulammo maanta ka dhacaya Muqdisho, halkaas oo saraakiil ka tirsan sirdoonka Turkiga ay wadahadallo kula yeesheen dhinacyad mucaaradka iyo DFS.
Sida ay wararku sheegayaan, labada dawlad goboleed ayaa waxay qabaan in Turkiga aan loo arki karin dhexdhexaadiye dhexdhexaad ah marka laga hadlayo arrimaha siyaasadeed ee gudaha Soomaaliya.
Wakiillada ka socda Jubaland Xildhibaan Cabdirashiid Jire Qalinle iyo Puntland Maxamed Cabdiraxmaan Dhabancad oo ku sugan Muqdisho ayaana ka qaybgelin kulankii maanta laakiin waxay ka qaybgeli doonaanKhamiista kulanka tooska ah oo ugu horreeya, kaas oo ay ka qaybgeli doonaan wakiillo ka socda dhinacyada reer Galbeedka, Turkiga, dowladda federaalka iyo mucaaradka. Kulankaas ayaa lagu tilmaamay wadahadalkii ugu horreeyay ee rasmi ah oo si dhab ah u taabanaya arrinta doorashada, isla markaana uusan Turkigu keligiis qabanqaabin.
Dhowr toddobaad ka hor ayay Jubaland iyo Puntland hore u dhaliileen faragelinta Turkiga ee siyaasadda gudaha Soomaaliya. Waxay markaas sheegeen in doorka Ankara uu ka baxsan yahay waxa siyaasad ahaan la aqbali karo, isla markaana Turkigu uusan noqon karin dhex-dhexaadiye aan dhinacna u janjeerin marka laga hadlayo arrimaha xasaasiga ah ee la xiriira doorashada. Dhaliishaas ayaa, sida la sheegay, caro xooggan ka dhalisay dhinaca Turkiga.
About The Author
