Sawiro: Ciidanka Amaanka ee DFS oo qabtay Gaari Hub iyo Qaraxyo lagu soo xiray
13 July 2016 (Puntlandes) Ciidamada NISA ee DFS ayaa caawa ganata ku dhigay hub iyo Gaari noociisu yahay Kaarib, kaas oo laga soo buuxiyay Walxaha Qarxa.
Qabashada Hubka iyo Gaariga ayaa ka dambeysay kadib markii ay Ciidamada NISA howlgal ka sameeyeen deegaanka Ceelasha Biyaha ee ku yaala duleedka Magaalada Muqdisho.
Ciidamada ayaa ka dhex helay Gaariga Walxaha Qarxa, Qoryo, Gantaalada Garabka laga tuuro iyo Foosto ay ku buuxaan Aaladaha Qarxa ee sida daran dadka u waxyeelleeya.
Sarkaal ka tirsan hay’adda NISA ayaa sheegay in tallaabadan ay gacan ku siiyeen dadweynaha Soomaaliyeed ee ku sugan deegaanka laga soo qabtay gaariga iyo hubka kadib markii ay hay’adda ku soo wargaliyeen qatarta shacabka Soomaaliyeed kasoo gaari karta qaraxyadaasi.
Puntlandes.com
About The Author
