Soomaaliya, Eriteriya iyo Masar oo war wadajir ah soo saaray

10 Okt 2024 (Puntlandes.com) Soomaaliya, Eritrea & Masar ayaa ku heshiiyey in ay yeeshaan Isbaheysi siyaasadeed, oo ay Soomaaliya ka faa’iideyso dibu dhiska ciidamada xoogga dalka, Eritrea & Masarna ay madax banaanida Soomaaliya gorgortan kagaleyn.

Sadexda Madaxweyne ee dalalka Soomaaliya, Eritrea iyo Masar ayaa waxa ay hoosta ka xariiqeen inay lama huraan tahay ku dhaqanka mabaadi’da aasaasiga ah iyo tiirarka sharciga caalamiga ah, gaar ahaan ixtiraamka aan mugdi ku jirin ee madaxbannaanida, madaxbannaanida iyo wadajirka dhuleed ee dalalka gobolka.

Waxay kaloo lagu heshiiyey in la horumariyo lana sii qoto-dheereeyo iskaashiga iyo isku-xirnaanta sadexda dal si kor loogu qaado hay’adaha Dawladda Soomaaliya si ay uga hortagaan caqabadaha kala duwan ee gudaha iyo dibadda iyo in ciidanka Qaranka Soomaaliyeed loo suurtageliyo in ay ka hortagaan argagixisada nooc kasta oo ay tahay.

Waxa si qoto dheer looga wada hadlay:

-Qalalaasaha Suudaan iyo saamaynta gobolka

-Xaaladda Soomaaliya marka loo eego is-bedellada gobolka ee u dambeeyay.

-Arrimaha amniga iyo iskaashiga u dhexeeya Wadamada Litterral ee Badda Cas iyo Gacan-biyoodka Bab-al Mandab iyadoo la eegayo muhiimadda ugu weyn ee marin badeed oo muhiim ah.

-Habka isku xirka diblomaasiyadeed iyo dadaallada wadajirka ah ee ka dhexeeya saddexda waddan.

Waxaa lagu heshiiyey in la dhiso Guddi Wadajir ah oo Sadex geesood ah oo ka kooban Wasiirada Arrimaha Dibadda ee Ereteriya, Masar iyo Soomaaliya, si ay iskaashi istiraatiiji ah uga yeeshaan dhammaan dhinacyada