Daawo Video-Sawiro: Gudoomiyaha Gobolka Mudug Xasan Maxamed oo Booqday maanta Wadada Galkacyo-Dhaxayacadde oo dhisme ku socdo

29 Dec 2015 (Puntlandes) Gudoomiyaha Gobolka Mudug Xasan Maxamed Khaliif oo xilka la wareegay Axaddii ay bishu ahayd 27ka dec ayaa maanta Booqday Wadada isku xirta magaalada Gaalkacyo iyo Degaanka Dhaxayacadde oo ay dawladda Puntlamd ka wado shaqo lagu samaynayo ama lagu dhisayo.

Wadada isku xirta magaalda Gaalkacyo iyo Degaanka Dhaxayacadde ayaa dhererkeedu dhan yahay 14km.

Wafdiga Gudoomiyaha ayaa waxaa ka mid ahaa Gudoomiye kuxigeenka 2aad ee Gobolka Mudug iyo Agaasimihii Hay’ada Wadooyinka Puntland Maxamuu dAbdinuur Ali.

Agaasimihii Hay’ada Wadooyinka Puntland oo hadlay ayaa sheegay in ay dhawaan soo gabagabayn doonaan dhismaha wadadan ayna dadka reer DhagaxyoCadde ku tegi gaari doonaan magaalada Gaalkacyo muddo dhan 10daqiiqo.

Gudoomiyaha Gobolka Mudug Xasan Maxamed Khaliif oo isna ka hadlay goobta ayaa u mahadceliyey Hay’ada Wadooyinka Puntland, gaar ahaan Shaqaalaha ku hawlan Dhismaha wadadan aadka muhiimka u ah.

Dhanka kale Gudoomiye Xasan ayaa shacabka Gobolka mudug ku guubaabiyey inay ka qayb qaataan Horumarinta Gobolkooda iyagoo ka duulaya halhayskii madaxweynha Puntland Cabdiweli Maxamed Cali Gaas ee ahaa ”Puntland ha isku tashato”