SAWIRO: Isimo Booqday Gobolka Gardafuu ee Puntland & Wadada LAFA-GORAY ee Gobolkaas oo Xariga laga Jaray

Gudiga Gacanta Ku hayay Dhismaha Wadooyinkii Ay saameyeen Duufaanadii Ku dhuftay Gobolka Gardafuu ee Puntland, ayaa soo gaba-gabeeyay Dacayactirka Wadooyinkaasi,

Wadada Lafagoroy oo kamid ah Wadooyinka ugu waaweyn ee Ay jareen Duufanadii Ka dhacay Gobolka, Ayaa Waxaa Xarigga Ka jaray Beeldaaje Ismaaciil Beeldaaje Yaasiin iyo islaan Ciise Islaan maxamed.

Kadib Xarig ka jarka Wadadan ayaan usoo Socdaalnay Dhinaca Deegaanka Tooxin Oo Masaafo dheer Aan usoconay, Waxaanan Intaan sii soconay Indhaheenna ku soo arkayna Goobo ay aad u adagtahay in lagu safro, Kuwaas oo Meelaha Qaarkoodna Ahey kuwo Cibir dheer laga soo Dhisay Dhinaca Badda iyo Barigaba,

Waxaanna isimadaan iyo Masuuliyiinta Kale Soo Dhaweyn diiran U sameeyay Dadweynaha Deegaanka Tooxin Oo Hoostagta Dagmadda Bareedo,

Gudoomiyaha Gobolka Gardafuu ee Puntland Cabduqaadir Yuusuf Iid Oo Ka hadlayay Xaflad ka dhacday tuuladda Tooxin ayaa Ka sheekeeyay Dhibaatada lagala soo kulmay Dhismaha Wadadan.

Suldaan Ciise Maxamed Ciise oo kamid Ahaa Waxgaradkii La socday Wafdiga isimadda puntland ee Soo Gaaray Gobolkan Gardafuu ayaa ku taliyay In umadda somaliyeed loo Bandhiga Sanduuq Lacag loogu aruuriyo Dhimsmaha wadooyinka Gobolkan,

Islaan Ciise Islaan Maxamed Ayaa ku booriyay Howsha ay hayaan Dadka Dagan Gobolka Gardafuu, Wuxuunna Sidoo Kale Baaq u diray Guud ahaan Bulshadda Somaliyeed,

Howsha hadda wajigeeda 1-aad la soo Gaba gabeeyay ee Dhismaha Wadooyinka Xoogaad iyo lafogoray ayaa la bilaabay 5/12/2015, Waxaanna Howshaan u istaagay Gudiga ka kooban Waxgaradka deegaanka, Ganacsatada Puntland, iyo Qurba-joog lacago ku caawiyay Dhismaha wadooyinkan, Waxaanna Gudigan Soo Gaaray Mudadii ay shaqeynayeen Lacag Dhan ($ 47586 : USD ) Dollar, Walow Ay jiraan Lacago Kale oo Ay ku deeqeen Qaar kamid ah isimadii Soo gaaray gobolka,

Islaan Ciise Islaan Maxamed Ayaa Lacag Dhan Boqol Milyan Oo Shilin somali ah Ugu Deeqay Dhismaha Wadadan, Sida uu sheegay Beeldaaje Yaasiin.

Ugu danbeynna Wadooyinkii ayaa hadda si KMG Ah Loogu furay Dadka deegaanadaasi, iyadoo lagu baaqay ka qeyb qaadashadda wajigeeda Labaad, Waxaanna Dhinaca Kale, Isimadii iyo waxgaradkii yimid Halkan Aaa Hadda ku soo laabtay Dagmadda Baargaal ee isla gobolka Gardafuu Iyagoo maalmaha soo socda Dib Ugu noqon doonaan Meelahoodii,