Gobolka Mudug wuxuu (HOY) u noqday dilaaga an la dabagalin (Qormaddii 1aad)
Gobolka Mudug waxaa maamula labo maamul Puntland iyo Galmudug faalladan waxaan ku eegi doonta qeybta Puntland ee waqooyi Gobolka Mudug, xaruntiisu waa Gaalkacayo waxaana kusoo noqnoqday dilalka iyo Amaan xumo), taasina waxay dhalisay in hal-doorkii Gobolka maalinba mid si bareera loo toogto dabadeedna an dabagal lagu samayn iyo sooqabasho dilaagii): waxaana dhagaha shacabka Mudug ku badatay waanu cambaarayn waan soo qaban doona iyo waanu ku hawlanahay soo qabashada dilaagii hal doorka dilay..
Mudug waxay kutaal meel istiraatiiji ah waxay xudduud la wadaagta Dawlad Deegaanka Soomaalida Itoobiya dhanka kale waxay ka mid tahay Gobollada dhexe ee Soomaaliya waa Magaallo burburkii aad udhisantay siiba dhanka waqooyiga ee Puntland waana magaalo leh fursado waweyn oo ah dhanka Ganacsiga iyo is dhex galka bulshada waa haddii loo sameeyo istiraatiijiyada ay mudan tahay..
Gaalkacaayo waxay ka mid tahay magaalooyinka ugu halista badan Soomaaliya waxaa marmar kadhaca daggaalo dhex mara Bulshada wada daga Gobolka Mudug,Miyi iyo magaalaba..
Mudug waxaa wada dagaan bulsho Soomaaliyeed oo ku kala duwaan qabaa,iil ahaan waxay kamid tahay meelihii ayka dhaceen daggaaladdii sokeeye- ee Soomaaliya ka qarxay 1991,waa magaallo xuddud kala qeybiyo ayna u sahlan tahay dhagar qabeyaashu inay ku dhex dhuuntan haddii aan dhug iyo feejignaan looyeela´´ labada maamula aysan iskaashi run ah ka yeelan amaanka gaalkacayo waa waqooyiga iyo Koonfurtee..
1998, Markii dhidibada lootaagay maamul Gobolleedka Puntland hadana loogu yeero Dawladda Puntland ee Soomaaliyeed Gobolka Mudug qaybtiisa Puntland waxay qayb weyn ka ahayd xoojintii iyo asaaskii Puntland}: dadka qarkii waxay dhahaan mudug waa Hooyadii Puntland laakiin waxaad mooda manta inay Gaalkacayo tahay hooyga aman xumada Puntland iyo Hooyada ddilal hal-doorka ummadda..
Bulshada Mudug waxaa lagu sheegaa inay yihiin kuwo dulqaad leh samir leh inta badana xeeriya tanta guud waxaase jira mamulayaasha gobolka inay yihiin kuwo eex iyo musuqmaasuq hareyey waana mida keentay habacsananta iyo Aman xumada jogtada ka noqotay Gaalkacayo dilaa aan la dabagalin inuu hoy ka dhigto Mudug..
Gaalkacayo waxay leedahay maamul 18, sanno jirsaday waxay leedahay Ciidamo, u kala qeybsan Milatari Bileys) iyo nabad sugid kuna mushaar qaata” ciidanka Gobolka Mudug};; maxay qabtaan?.awoodse shacabku ma- u leeyahay inuu laxisabtamo ciidamada iyo hoggaamiyayaasha Gobolka?`
Mudug waxay leedahay wax garad kala duwan sida siyaasiyiin, Ganacsato Cuqaal aqoonyahan iwm hadana waxaad mooda Gaalkacayo qeybteeda Puntland inay tahay meel aan mas`uuliyiin jogin qof kasana iska dhageysto dhacdooyinka dilalka iyo tacsida asbuuc kasta jogtada ka noqday waa maxay sababta waxgaradka Gaalkacaayo ay uga amusan yihiin gumaadka hal-doorka?:
Ugu dambayntii haddii aysan bulshadu ayahooda dhaqan dhaqaale Aman iyo isku xirba ka fikirin waxay ku dambayn doonaan in midba mar six un loo dilo. Gobolka Mudug wuxuu u bahana yahay Aayo katalin dhab ah.
Lasoco qeybta labaad falaqaynta
Gobolka Mudug wuxuu (HOY) u noqday dilaaga an ladabagalin
W/Q/Cabdinuur Faarax Maxamuud
Falanqeeye arrimaha bulshada
Email- guuleed72@hotmail.com
Daabacaadii: Puntlandes.com
About The Author
