Sawirro: Ra’iisul Wasaare Kheyre & wafdi uu hoggaaminayo oo si diiran loogu soo dhaweeyey Garowe
29 July 2018 (Puntlandes) Ra’iisul Wasaaraha Xukuumadda Soomaaliya Xasan Cali Kheyre iyo wafdi ballaaran oo uu hoggaaminayo ayaa goor dhow gaaray Caasimadda Puntland ee Garowe , halkaasoo si aad u diiran loogu soo dhoweeyay.
Wafdiga Ra’iisul Wasaaraha ayaa waxaa garoonka diyaaradaha Garowe ku soo dhoweeyay Madaxweynaha daw ladda Puntland Cabdiweli Maxamed Cali Gaas, xubno ka tirsan dawladda Puntland iyo qeybaha kala duwan ee bulshada oo aad u fara badnaa.
Qaban qaabada soo dhoweynta wafdiga Ra’iisul Wasaare Kheyre ayaa labadii maalmood ee la soo dhaafay laga dareemayay magaalada Garowe, iyadoo sawirada la suray waddooyinka.
Ra’iisul Wasaaraha iyo wafdigiisa ayaa loo galbiyay madaxtooyada Puntland, halkaasoo kulamo kula qaadan doonaan Madaxweynaha Puntland iyo maamulkiisa, waxaana labada dhinac qaban doonaan shir jaraa’id.
Daawo sa wirro hordhaca
Puntlandes.com
About The Author
