Madaxwayne Cagjar oo Cali Guray u magacaabay Lataliyihiisa dhanka amniga
18 Nov 2018 (Puntlandes) Madaxweynaha Dowlad Deegaanka Mustafe Maxamuud Cumar (Cagjar) ayaa siyaasi Cali Guray u magacaabay la taliyahiisa dhanka amniga.
Lataliyaha madaxwaynaha Cali Guray ayaa ah siyaasi ruug cadaa ah, isagoo s oo qabtay xilal kala duwan wuxuuna caan ku ahaa mudooyinkii uu xilalka kala duwan soo qabtay nin aan la gaban aragtidiisa si toos ahna u cabira.
Waa kuma Cali Guray?
- Dugsiga Hoose/dhexe wuxuu ku qaatay magaalada wardheer ee xarunta gobolka Doollo.
- Cali waxa uu dugsiga Sare uga baxay magaalada Harar sanadkii 1984tii.
- Sanadkii 1987kii wuxuu ku qaatay Diploma Public Adminstration. Wuxuu ka shaqo bilaabay Customka Wardheeer
- Kadib isbedelkii 1991 wuxuu qayb wayn ka qaatay dhismihii Xisbiga, wuxuuna 1993kii kusoo baxay Xildhibaan heer Deegaan ah.
- Cali Guray wuxuu nonqday labo jeer Xildhibaan heer Deegaan 1995 -2000-2005 hal marna wuxuu noqday heer Federaal 2005-2010.
- Sanadihii 1996- 1998kii Cali wuxuu noqday Gudoomiyaha gobolka Doollo.
- Sanadihii 1999 – 2000kii wuxuu noqday Gudoomiyaha Qoraxay,
- Cali wuxuu xilal hogaamineed ka qabtay XDSHSI
- Sanadihii 1997 – 2000kii wuxuu noqday madaxa xarunta dhexe ee Xisbiga ahna xubin ka ka mid ah guddiga fulinta .
- Sanadihii 2000-2002kii wuxuu noqday madaxa arimaha siyaasadda
- Sanadihii 1995 -2010kii wuxuu noqday xubin ka mid ah golaha dhexe ee xisbiga
- Cali intii uu ahaa Xildhibaan Federaala ah wuxuu ka mid noqday guddiyo kala duwan sida Gudoomiyaha guddiga Warshadaha iyo
- Cali wuxuu ahaa Afhayeenka golaha shanta Kilil ee Afarta, Soomaalida, Hararida, Gambela iyo Binshangulaka.
Puntlandes.com
About The Author
