Shirka wada tashiga Puntland iyo xaqiijinta himiladdii Puntland loo asaasay
Madaxwaynaha Puntland ayaa furay shir loogu magac daray shirka weynaha wada tashiga Puntland kaasoo 24,Agoosto. 2015 ka furmay Magaallada Gaalkacayo ee Xarunta Gobolka Mudug, waxaana ka qayb galaya ergooyin ka kala yimid Gobolladii Puntland wada dhistay 1998.
Asaaskii Puntland ayaa laga joga 17,sanno waa shirkii labaad oo noociisa oo lagu qabto Puntland marka laga soo tago kii lagu dhisay Puntland 1998, bishii agoosto dadka Soomaaliyeed ee Gobollada waqooyi Bari, Gobolada Sool. Sanaag Biyo Degmada Buuhoodle ayaa ku heshiishay inay dhistaan maamul Dawladeed qeexaya hannaan awood qaybsi iyo dano wadaaga..
Taasi waxay ka dhalatay markii muddo toddobo sannadood ah ay Soomaalidu ku guul daraysteen in ay ku heshiiyaan dhismaha Dawlad Qaran, ilaa maantana aan weli la isku calool fayoobaan..
Markaas kadib waxaa isku yimid hoggaamiye dhaqameedkii Gobollada waqooyi bari, Gobolada Sool. Sanaag Biyo Degmada Buuhoodle waxaana la isku afgartay in la dhisto maamul dawladeed, leh axdi & hay,yaddo kala duwan.
Alle mahadiis aad ayaa loogu guuleystay himiladdaas waxaana dhidibada loo taagay Dawladda Puntland ee Soomaaliyeed, oo ay Soomaali badani ku badbaaday intii lagu guda jiray qalalaasihii Soomaaliya ka qarxay saggaashameedyadii,.
Himiladdii Puntland
Hadabba himilooyinkii iyo haykalkii Puntland hiigsanaysay waxaa soo gaaray habbacsanaan baahsan waxaa Puntland gacanteedda ka maqaan qayb kamida Puntlandtii, ladhisay 1998. Sool, Sanaag iyo Cayn ayaan Puntland si buuxda uga talin.
Dimuqraadiyeynta.
Dimuqraadiyadda ayaan Puntland wili ka hirgalin waxayna wili Puntland ku jirtaa hannaan, dhismeedka qabaa,iilka, Beelihii Puntland wada dhistay ayaan qaar kood ku qanacsanayn Hanaanka awood qaybsi marka laga eego dhanka Barlamaanka iyo wasiiradda..
Haddaba maxaa la gudboon ergooyinka matalaaya masiirka ummadda Puntland?.
Waxaa la gudboon ergooyinka shirka ka qayb galaya inay xaqiijiyaan midnimadii Puntland waa in xaqiiqda laga wada hadlaa oo aan Xaflad qurux badan kaliya Shirku noqon inaan loo Sacabo tumin oo kaliya qudbadaha quruxda badan ee halkaas laga jeedanaayo waa in la is waydiiya maxay Sool ku maqan tahay? maxaase Cayn, ka dhigay meel qof walba ku soo Cansaaro, siyaasaddiisa u gaara?, awood qaybsiga Puntland mayahay midkii guusha lagu gaari lahaa? IWM..
Xisaabi xil maleh,
Waxaa intaas dheer waa in xukumadda lagula xisaabtamo hirgalinta nidaam baahsan kuna dhisan dimuqruraadiyad iyo Axsaab) ku salaysan Dawladnimo waa in xukunka Puntland iyo Dawladnimadu gaarto idil ahaan ama guud ahan dadka Puntland..
Kala qaybsanaanta isimada Puntland
Sida dhabta waxaa kala qaybsan Isimaddii Puntland asaasay waxaana arrintaas sabab u ah siyaasiinta Puntland ku loolama oo saamayn ku yeeshay kala qaybinta isimadii saldhiga u ahaa Puntland waxaana shirka wada tashiga Puntland looga fadhiya midaynta isimaddii Puntland ee sal dhiga u ahaa midnimadii Puntland ku asaasantay..
Gabagabadii
Ugu dambayntiina Shir waynaha wada tashiga Puntland waa inuu xaqiijiya guud ahaan midnimadii Puntland, himiladii loo asaasay Puntland, Ciidankii difaaca Puntland, dhaqaalaha Puntland, xudduudihii Puntland ee ay Soomaalida kale la lahayd. Madaaba nidaamka Soomaaliya ku dhaqmayso tahay Federalism, iyo haykalka Dawlad wanaaga. Dhammaan qodobadaas waa kuwo maanta Puntland aad ugu baahan tahay in la xaqiijiyo..
Sidookalena Madaxwaynaha Puntland waxaa looga fadhiyaa fulinta balanqaadkii uu ku dhaartay ee ahaa midnimada Puntland kor u qaadida dhaqaalaha Puntland sinaanta Caddaalada iyo baahinta maamul wanaaag..
Cabdinuur Faarax Maxamuud
Email-abdinuur02@gamail ama guuleed72@hotmail.com
Falanqeeye arrimaha Bulshada
About The Author
