06 Okt 2017 (Puntlandes) Madaxweynaha Koonfur Galbeed Shariif Xasan Sheekh Aadan iyo Xildhibaano ka tirsan Aqalka Sare ayaa maanta gaaray magaalada Kismaayo ee xarunta KMG ah ee  Jubbaland.

Wafdiga Shariif Xasan ayaa waxaa garoonka diyaaradaha ku soo dhoweeyay Madaxweynaha Jubbaland Axmed Maxamed Islaan (Axmed Madoobe), xubno kale oo ka tirsan Baralaamka DFS iyo maamulkiisa. Wafdiga ayaa waxaa kamid ah shan senatar oo laga soo doortay KGS iyo xubno kamid ah golaha wasiirada KGS iyo xildhibaano,

Madaxweynaha Jubbaland Axmed Madoobe ayaa ku casuumay madaxda dowlad goboleedyada dalka inay ka soo qeybgalaan shir ay yeelanayaan madaxda dowlad goboleedyada dalka oo lagu wado in uu ka furmo maalinta Axadda ah magaalada Kismaayo.

Shirkan ayaa waxaa si rasmi ah u shaaciyay inay ka soo qeybgalaan Maamul goboleedyada kala ah:

1. Puntland
2. KGS
3. Galmudug 
4. Hirshabeelle
5. iyo Jubalan oo marti gelinaysa

Daawo sawirrada

About The Author

puntlandes

See author's posts