Sawirro: Madaxweynaha Puntland oo Xariga Ka Jaray Xarunta Wasaaradda Kaluumaysiga & Khayraadka Badda ee Garowe

Filed under: Wararka maanta |

Madaxweynaha Dowladda Puntland Dr. Cabdiweli Maxamed Cali Gaas ayaa maanta oo taariikhdu tahay 13 September 2018 waxaa uu xadhiga kajaray xarunta Wasaaradda Kaluumaysiga iyo Khayraadka Badda ee Dowladda Puntland, xarunteeda cusub ee magaala madaxda Dowladda Puntaland ee Garoowe.

Madxaweynaha Dowladda Puntland waxaa ku wehelinayey xadhig jarka, Wasiirka Wasaaradda Kaluumaysiga iyo Khayraadka Badda ee Dowladda Puntland Cabdirshiid Maxamed Xirsi, qaar kamida golaha xukuumada Dowladda Puntland, maamulka Degmada, kan Gobolka Nugaal iyo saraakiil katirsan madaxtooyada Dowladda Puntland.

Xaruntan cusub ee Wasaaradda Kaluumaysiga iyo Khayraadka Badda ee Dowladda Puntland ayaa markii ugu horeysay laga hirgaliyey magaala madaxda Dowladda Puntland ee Garoowe, tan iyo intii la’aasaasay Dowladda Puntland, waxaana Wasaaradda Kaluumaysiga iyo Khayraadka Badda Dowladda Puntland xarunteeda wayn ay ku taalaa xarunta ganacsiga ee magaalada Boosaaso.

Dhinaca kale Wasiirka Wasaaradda Kaluumaysiga iyo Khayraadka Badda ee Dowladda Puntland Cabdirshiid Maxamed Xirsi ayaa ka warbixiyey guud ahaan shaqada wasaardda wuxuuna tilmaamay in wasaaradu harumar balaran ay ku tilaabsatay ayana hada qorsheynayaan inay xarumo iyo kaydad qaboojiyayaal ah ay kasameeyaan sagaalka Gobol ee Dowladda Puntland.

Madaxweynaha Dowladda Puntland Dr. Cabdiweli Maxamed Cali Gaas oo kalmad koobn ka jeediyay munaasibadii xadhig jarka xarunta Wasaaradda Kaluumaysiga iyo Khayraadka Badda ee Dowladda Puntland ayaa waxaa hadaladiisii ka mid ahaa”

“Aad iyo aad baan idin salaamayaa dhammaantiin, waana ku faraxsanahay inaan kasoo qayb galno munaasbaddan lagu xadhig jarayey xarunta cusub ee Wasaaradda Kaluumaysiga ee Caasumada Garoowe, waana u mahadnaqayaa Wasiirka iyo Wasaaradda martiqaadkan inaan kasoo qayb galno, xafladda iyo shaqada loo baahna ay ka bilaabeen in wasaaradda kaluumaysigo xarun ku yeelato caasimada waana lagama maarmaan waa muhiim, khayraadka lahubo oo dalkeenu leeyaay oo la’isku halayn karo waa Kaluunka, waa lasocotaan abaartii dhacday 2017 xooleheenu in kabadan 100%50 fursada ayeey kabexeen, waxaa loo baahan yahay sidaa xaalufka looga ilaalinayo xoolaha iyo deegaankaba in xaalufka iyo jariifka looga ilaaliyo kaluunka oo aan juhdi badana aan gelino ilaalintiisa,

Ugu danbeyn Madaxweynaha Dowladda Puntland Dr. Cabdiweli Maxamed Cali Gaas ayaa xusay in xeebta ugu dheer ee dhulka Soomaalidu degto ay ku taalo mandiqada Puntland, oo ay tahay xeebaha adduunka ugu qanisan loona baahanyahay in khayraadkaas Baddaas dheer oo dihin la ilaayo loogana faa’iidaysto sida ugu wanaagsan.

1

2

3

4

5

6

7

8

9

10

11

12

13

14

15

16
Puntlandes.com