Sawiro: Madaxwaynihii hore Puntland oo si ballaaran loogu soo dhaweeyay Garowe

29 july 2015 (Puntlandes) Madaxwaynihii hore Puntland Dr.Cabdiraxmaan Shiikh Maxamed Farole ayaa maanta oo Arbaco ah waxaa si diirran loogu soo dhaweeyay gagida diyaaradaha magalada Garowe.

Soo dhawaynta Farole waxaa ka qayb galay Madaxwayne ku xigeenkii hore Gen.Cabdisamad Cali Shire, Gudoomiyaha Baarlamaanka Siciid Xasan Shire,wasiiraddii xukumaddii Farole, wasiiradda xukumadda Gaas qaar ka mid ah, siyaasiyiin, odayaal dhaqan, iyo boqolaal dadwayne oo ku labisnaa qaarkood calamada Soomaaliya iyo Puntland.

Dr.Farole ayaa sacod dheer oo lug ah kasoo bilaabay agagaarka bartamaha Garowe, wuxuna kusoo gaaray baraxada Garowe, isagoona halkaasi kula hadlay taageerayaashiisa soo dhawaynta ka qayb galayn, madaxwayne Farole ayaa marka hore u mahad celiyay dadkii soo dhaweeyay wuxuna sheegay inuu dib ugu soo laabtay dhulkiisa hooyo.

Waxa uu sheegay Hargaysa inuu u tagay arrin la xariirta tacsi uu u gudbinayay ehalka murwadiisii oo bilo ka hor lagu dilay magalada Garowe, wuxuna xukumadda Gaas uga mahad celiyay aaska qaran ee xaaskiisa u samaysay, waxa uu sheegay inuusan cidna culays ku ahayn haddii aan laga dhigin, sidoo kale waxa uu shacabka ugu baaqay inay midnimadda ka shaqeeyaan oo aysan isku arag cadow.

Cabdiraxmaan Shiikh Maxamed ayaa sheegay inuu la kulmi doono madaxda hadda xafiiska jooga, waxana markii danbe loosoo galbiyay aqalkiisa.

Dadwayne boqolaal gaaraya ayaa iskugu soo baxay baraxada magalada Garowe, kuwaasoo ku dhawaaqayay erayo soo dhaweyn ah iyo in madaxwayne Farole looga baahan yahay inuu wax ka qabto xaalada siyaasadeed ee dalka maadama uu ka mid ahaa raggii wax ka dhisay dowladda dhexe ee Soomaaliya.

Sawiraddan waxay gaar u yihiin Puntland Post, waxana soo qaaday Cali Cabdi Ducale