Sawirro: SIDRA oo soo dhaweysay qaybtii labaad ee qorayaa ka qayb galaya bandhig caalaamiga ee buugaagta

24 July 2016 (Puntlandes) Machadka cilmi baarista Puntland ee SIDRA ayaa maanta xarunta machadka ee Garowe kullan soo dhaweyna ugu qabtay qorayaa ka qayb galaya bandhiga caalamiga ee Garowe lagu qaban doono, waxaana qorayaashu ahaayeen Soomaali iyo Ajaaniib.

Waxaana qorayaasha Soomaalida ka xusi karnaa Axmed Faarax Idaaja iyo madaxa shirkadda Scansom Maxamed Shiikh Xasan, dhanka qorayaasha ajaaniibta ah waxaa kamid ahaa Dr G. kapchits oo buugaag Soomaali Engiriis iyo Ruusha qoray.

Madaxa Shirkadda Scansom Maxamed Shiikh Xasan ayaa ugu mahad celiyey qorayaasha ka qayb galka bandhig caalamiga ah ee buugaagta oo Garowe lagu qaban doono oo 28 bishan lagu qaban doono.

Kullanka intuu socday waxay qorayaashu soo bandhigeen buugaag ay qoreen , waxayna qorayaasha ajaaniibta soo bandhigeen buugaag ay ku qornaayeen afka Soomaaliga kuwaas oo uu ku jiray buug maahmaahyo ah oo la dhaho“ Hubsiimo hal baa la siista;.

Waxaana buugaas qoray Dr Kapchits, qoraayaasha iyo SIDRA ayaa isla qaatay sidii loo sare loogu qaadi lahaa Afka-Soomaaliga, Bandhiga lagu qabanayo Garowe 28 bishan ayaa noqonaysa markii labaad oo Puntland lagu qabto bandhiga caalamiga ah ee buugaagta.

Daawo Sawirrada