Dhagayso: Gudiga Doorashada dadban ee Puntland & xubno kasocda gudiga heer Federal oo maanta shir jaraa’id ku qabtay Garowe
2 nov 2016 (Puntlandes) Gudiga doorashada dadban ee heer maamul goboleed gaar ahaan Puntland oo ay weheliyeen xubno kasocda gudiga heer federal oo maanta shir jaraa’id ku qabtay magaalada Garoowe, ayaa shaaciyey inay furantahay diiwaangelinta musharixiinta aqalka hoose ee Soomaaliya.
Siciid Qoorsheel, oo kamid ah gudiga doorashada dadban ee heer federalka oo ugu horayn kahadlay shirka jaraa’id ayaa sheegay in ujeedka ay Puntland u yimaadeen uu ahaa kormeerka doorashada, wuxuuna ammaanay qaabka reer Puntland doorashada ugu diyaar garoobeen.
Gudoomiyaha gudiga doorashada dadban ee Puntland Nabadoon Khaliif Aw-cali oo dhankiisa hadlay ayaa ku dhawaaqay inay furantahay diiwaangelinta musharixiinta aqalka hoose, uusana jirin wax muran iyo khilaaf ah oo lasoo gaarsiiyey.
Dhanka kalena gudoomiye Khaliif Aw-cali ayaa sheegay inay Garoowe soo gaareen ergooyinka dooran doona xubnaha aqalka hoose oo dhowaan lafilayo in lasoo doorto.
Dhagayso Shirkii Jaraa’id ee Guddiga
Puntlandes.com
About The Author
