Akhriso Guddiga Joogtada oo ku gacan seyray soo jeedintii Xeer Ilaaliyaha ee xasaanad ka qaadida Xildhibaanada
31 Dec 2017 (Puntlandes) Guddiyada Joogtada ee Golaha shacabka ee Baarlamaanka Federaalka ah ee Soomaaliya ayaa kulan uu maanta ku yeeshay Xarunta Villa Hargeysa ka soo saaray go’aan ku aadan xasaanad ka qaadista Xildhibaano uu dhowaan soo eedeeyay Xeer Ilaaliyaha Guud ee Qaranka Dr. Axmed Cali Dahir.
Kulakan oo uu shir guddoominayay Guddoomiye Jawaari ayaa waxaa laga soo saaray go’aan dhowr qodob ka kooban.
Guddiga Joogtada ayaa wuxuu isku raacay in la joojiyo soo jeedinta ku saabsan xasaanad ka qaadida Xildhibaanada oo ka timid Xeer Ilaaliyaha Qaranka, kaasoo dhowaan soo eedeeyay Xildhibaan Xasan Macalin iyo Xildhibaan Cabdi Saabir Nuur Shuure.
Sidoo kale Guddiga Joogatada ayaa sheegay in maadaama aanu jirin sharci gaar ah oo tilmaamaya nidaamka ilaalinta xasaanada, habraaca loo marayo xasaanad ka qaadida Xildhibaanada iyo habraaca loogu gudbin lahaa kulanka guud ee Golaha shacabka.
Go’aanka soo baxay Guddiga Joogtada ayaa si cad ah uga hor-imaanaya eedihii uu Xeer Ilaaliyaha Qaranka ku soo oogay labada Xildhibaan oo ahaa Qaran dumis iyo khiyaano qaran iyo baaritaanka Xafiiska Xeer Ilaalinta waday, oo qaarkood ay sheegtay inay caddeymo u heyso.
Akhriso qoraalka Guddiga Joogtada
Puntlandes.com
About The Author
