Daawo Wasiirka Maaliyada Puntland oo ka jawaabay eedaytii Xisaabiyihii Gobolka Mudug
24 June 2018 (Puntlandes) Wasiirka Maaliyada Puntland Cabdiqaadir Saciid Caarshe oo shir jaraaid ku qabtay Garoowe ayaa waxa uu ka jawaabay eedayn culus oo uu maanta u jeediyay xisaabiyihii hore Gobolka Mudug Barkhadle Aadan Muuse oo maanta iska casilay xilkaas.
Wasiir Caarshe ayaa waxa uu sheegay in xisaabiyuhu ku fashilmay shaqadii loo igmaday, 17kii bishaana June laga joojiyay shaqadii uu u hayay dawladda Puntland.
Wasiirka ayaa waxa uu sheegay in Xisaabiyihu uu lacag dhan 99kun oo dollar uu kala baxay shirkada Dahabshiil taas oo ahayd mushaharkii Ciidamada daraawiishta, waxa uuna sheegay wasiirku in ay magacabeen gudi arimahaas baara oo ka kooban 4 xubnood oo ay ka mid yihiin xisaabiyihii guud ee Puntland iyo Agaasimihi dakhliga.
WasiirCaarshe ayaa waxa uu been iyo wax kama jiraan ku tilmaamey eedaymo sheegayay in ay musuqmaasuqeen dhismaha kastamka dusmada ee Gobolka Mudug, ugu danbayna waxa uu ugu baaqay hay’adaha sharciga u sheegay in lacagtaas ay ku maqan tahay xisaabiyahaas, sidoo kale Barkhadle looga baahan yahay in uu soo cadeeyo waxa uu ku hadlay.
Daawo Shirkii jaraa’id ee wasiirka
Hoos na ka akhriso warqadihii uu Wasiirku uu Saxaafadda usoo bandhigay
Warsaxafadeedka Wasiirka.
Warqada shaqo ka joojinta Xisaabiyaha
Magacaabida gudiga ku meel gaarka & Baaris
Heshiiska Dhex maray Wasaarada Maaliyada & Hope Service
Warqada lacagta loogu diray xisaabiyihii Gobolka Mudug
Puntlandes.com
About The Author
