Maqaal: Haddaan dhismayaasha waddoooyinka ku dagaalamayno maxaan heshiis ku nahay?!!
Gobollka Mudug wuxuu dhaca bartamaha Soomaaliya waa Gobol muhiim u ah dhammaan ummadda Soomaaliyeed maarka loofiirsho isku xirka Gobollada Soomaaliya ee waqooyiga iyo koonfurta daggaal mudug ka dhacaa wuxuu dhaawacaya dhamman ummadda Soomaaliyeed min waqooyi min koonfur ilaa Galbaadka..
Soomaalidu waxay ku maahmaahda Nin geeliisa dhacaya looma hiiliyo)` waxaan ula jeeda Soomaalidu haddii ayku dagalamayaan waddo la dhisaayo sidee adduunyadu innoo caawin kartaa??..
Daggaalka Gaalkacayo ku dhex maray Puntland iyo Galmudug sida dhabtaa wuxuu ka bilowday waddo la dhisaayo oo laamiga dheer ee waqooyiga iyo koonfurta isku xira uga dhacaysa koonfur galbeed Gaalkacayo oo waliba laami la saaraayo waxaan lasoconaa Ummadda Soomaaliyeed inay u, ooman yihiin ama u baahanyihiin in la dhiso kaabayaasha bulshada sida Waddooyinka Cisbitaaladda iwm.. laakiin haddii lagu dagaalamo waddo la dhisaayo maxay Soomaali ku heshiinaysaa?..
Haddiise Puntland waddo dhisto oo laami saarto oo garsiiso ilaa bartamaha Soomaaliya ama Cadaado ama Hiiraan, maxay tahay dhibaatada ka imaan karta?? faa’iido mooyee soo hormar ummadda Soomaaliyeed gaar ahan Gobolka Mudug u soo kordhay mahan??, haddii dhismaha waddanka lagu dagaalamo ma waxaan ku heshiin doona burburinta waddanka??..
Nabad ayaa naas lanuugo leh waa xigmad Soomaaliyeed Gaalkacayo waa goob nasiib badan haddana waa goob nasiib xun haddii aan kala qaado waxay ku nasiib wacan tahay waa Gobolka ama goobta isku xirta waqooyiga Soomaaliya iyo Koonfurta waa Gobol ku yaal meel istiraatiijiya), wuxuu isku xiraa Soomaali oo dhan ka soo bilow dhanka Soomaali galbeed waqooyi iyo Koonfur iyo bari..
Haddana waa gobol nasiib daran ama nasiib xun waayo waxaa lagu dagganyahay Qori caaradiis waxaa marwalba Mudug ka dhaca daggaal micno daraa waxaana naftooda ku waayo Carruur Haween iyo masaakiin aan waxba galabsan yaa qaadaya mas`uuliyaddaas??..
Gobolka Mudug wuxuu soo maray dhabatooyin badan oo uu kala sinaa Gobollada Soomaaliya qaybtood wuxuuse u gaara inaysan jirin isku kalsooni ka dhaxaysa labada dhinac ee Waqooyiga iyo Koonfurta waxaana mar kastaa ku soo noq noqda daggaal aan lahayn ujeeddo iyo hadaf..
Waxaan ku soo koobaya wixii nabad lagu waayo wallee inaan daggaal lagu helayn waxaan wax garadka dhalinta iyo maamuladda Gaalkacayo ka taliya ugu baaqayna inay nabada ka shaqeeyaan inay colaad ka fogaadaan wixii is maan dhaafana lagu dhameeyo gogol iyo wada xaajood..
Nabad ayaa naas la nuuga leh
Colaad wiil kuma dhasho ee wiil iyo gabar ayaa ku dhintaa
Ummad gogosheed waa nabad
Cabdinuur Faarax Maxamuud
Guuleed72@hotmail.com
About The Author
