Warbixin+Sawirro:-Haweenka Gobolka Sanaag Oo Deeq Gaarsiiyay Shaqaalaha Dhisaya Wadada Ceel Daahir Iyo Ceeri Gaabo

Ururka Haweenka Al-nasar ee xaruntiisu tahay magaalada Badhan ayaa maanta RATI iyo Sharaab ugu deeqay shaqaalaha Wadada Ceeldaahir-Ceergaabo Maayarka Degmada Badhan Md. C/risaaq Axmed Ciise iyo Guddoomisada Haweenka Dawliga ah ee gobolka Sanaag Faadumo Axmed Dhahar oo la fududeeyey ayaa bogaadiyey shaqaalaha aan daaleyn ee saacadaha badan shaqeeya ,

neefkan geela ahna ku tilmaamay dhiirri gelin iyo iney u muujiyaan sida ay u bar bar taagan yihiin shaqada Wadada iyadoo weliba gobolka ay haysato duruufo abaareed Ururka haweenka Alnasar ayaa dhankooda sheegay iney dhaqaale ururin kujireen ilaa xilligii la bilaabay dhismaha wadada xubnohooda dalka dibadiisa iyo gudahaba , ayna ku faraxsan yihiin shaqada socota.

Ururka Haweenka Alnasar ayaa xafiisyo ku leh dalka dibadiisa iyo gudahaba , kana qayb qaata horumarka gobolka Sanaag Sida ,Waxbarashada , Caafimaadka , taakulaynta dadka iyo wadooyinka Injineerada iyo masuuliyiinta shaqada wadda ayaa dhankooda ka mahadceliyey hilibka iyo sharaabka loo keenay shaqada wadadana kaga warbixiyey iney si habsami ah u socoto , ayna rajeynayaan iney dhowaan usoo guuri doonaan magaalada Midigale maadaama hadda shaqadu ka socoto aagga Cawsane.

Guddoomiyaha gobolka Sanaag Hon. Maxamuud Ciyoon ayaa ku tilmaamay tallaabo ku dayasho mudan oo ka tarjumaysa sida bulshadu ugu heellan tahay ka qayb qaadashada hirgelinta mashruua wadada, Madaxweynaha Dawlada Puntland na uga mahad celiyey sida uu mashaariicda ay wadada iyo ceelasha biyuhu ka mid yihiin uga hirgelinayo gobolka Sanaag .

Qoraalka Waxaa Naso Gaarsiiyay
Guddoomiyaha gobolka Sanaag Hon. Maxamuud Ciyoon

Sawirrada Hoos Ka daawo