Sawirro:-Samafale Tigey”waxaan Soo Gabagabaynay Socdaalkayagii Samafalka oo Qaatay 11 Casho 23/1/2017–2/2/2017 Waxaan kasoo Shaqaynay Gobolada Bari, Kar Kaar iyo Gardafuu

Waxaannu Caawinnay Dadka Soomaaliyeed ee isugu Soo Guuray Robkii ka Da,ay Puntland Waxaannu Gargaar Gaarsiinnay Dad isaga kala Yimid Waqooyi Galbeed, Togdheer, Sanaag, Sool , Mudug, Nugaal, Kar Kaar, Bari, Gardafuu iyo Dawlad Deegaanka Soomaalida Itoobiya.

Waxaan Gaarsiinnay Biyo Ay ku Deeqday Shirkadda Iftin Group iyoJaaliyadda Sweden Sundsval iyo Jaaliyadda Austaralia Sedney Waxaannu Samaynay 50 Goobood oo Biyo Lagu Shubo oo Ay ka Cabayaan ugu Yaraan 1000 Qoys .

Waxaan Biyo Gaarsiinnay Tuulada Qorraxaad oo Ka Tirsan Dagmada Baargaal. Waxaan kaloo Dad Gaaraya Sadix Kun oo Qoys Gaarsiinnay Raashin, Dhar, Gogol iyo maacuun. Waxaannu Dawaynay Dad Miyiga ku Xanuunsanaa kuwana waxaan gaynay Xarunta Caafimaadka Xiriiro,

waxaan Dawaynay Xoolo Bukay Waxaan Goobaha Dadku Daganyahay ka uruurinnay oo Gubnay Bakhtiga Xoolaha Si Caafimaadka loo ilaaliyo. Deeqdaanu Waxay Ahayd Tii Ay ku Deeqeen Xaafadaha Boosaaso Waxaa Hawshaan Tuulada Xubabays ee Dagmada Isku Shuban ku Daah Furay 24/1/2017 Guddoomiyaha Gobolka Bari Yuusuf Maxamad Wacays Dhado iyo Duqa Dagmada Boosaaso Yaasiin Mire .

Waxaan u Mahad Celinayaa Intii ka Qayb Qaadatay Sida Xarunta Cilmi Baarista PDRC Hay,adda Tadaamun, Warbaahinta SBC Shaqaalaha Dawladda Hoose ee Boosaaso Waaxda Arrimaha Bulshada, Radio Garowe , Puntland TV ,Jubbaland TV Radio Ergo iyo Waabari TV .
Waxaan kaloo u Mahad Celinayaa Kooxdii Samafalayaasha Ahaa ee Shaqadaas Qabtay Oo kala Ahaa Xaawo Cali Kaar Dalladda Ungom Dr Maxamuud Yariisow , Faadumo Yuusuf Taxadar , Ismaaciil Xaaji Xaraash iyo Mohamed Abdiqadir Ali Igaal
Waxaan kaloo u Mahad celinayaa Maddaalayaasha Booliska Xiriiro iyo Dallada Dhalinyarada NEDYO oo Had iyo Jeer u Taagan inay Caawiyaan Bulshada
Gabagabada Waxaan u Mahadcelinayaa Hawlwadeenada Caafimaadka ee Xiriiro oo Har iyo Habaynba u Taagan Dawaynta Bukaanada Dadka soo Guuray.

Sawirrada Hoos Ka daawo

Gurmadka Abaaraha Puntland
Guddiga Biyaha Raashinka iyo Dib u Dajinta
Samafale Maxamad Yuusuf Jaamac Tigey
#@ Dalkaaga iyo Dadkaaga Daacadnimo ugu Shaqee