Ciidamada Puntland ee xerada 54aad oo Mushahaar la’aan ka gadoodey
13 Sep 2015 (Puntlandes) Ciidamka ku sugan xerada 54aad ee Caasimadda Puntland ee Garowe ayaa saaka sameeyey gadood kadib markii ay soo foodsaartay muddo mushahaar la’aan ah oo ku dhow 8 bilood.
Ciidankan ka cabanayey ama ka gadooday Xuquuqdooda ka maqan muddada dheer iyagoo aan helin Mushahaarkii ay xaqa u lahaayeen muddo badan ayaa Xiray Albaabka laga galo Xerada 54aad iyagoona Riday Rasaas badan oo Caasimada Garowe laga maqlayey.
Ma ahaa Cidamadii u horeeyey ee Mushahaar la’aan ka gadooda intii ay jirtay Xukuumada uu madaxweynaha ka yahaay madaxweyne Cabdiwali Maxamed Cali GAAS waxayna ahayd maalmo ka hor markii ciidamo ka tirsan Ciidanka Birmadka ee ka howlgala magaalada Bosaso ay sameeyeen Gadood ay kaga cabanayeen Mushahaar la’aan lasoo deristay.
Halkan hoose ka akhriso wararkii u dambeeuyey ee ay Warbaahinta Puntlandes ka qortay Cidanka Birmadka ee Gadoodka ka sameeyey Bosaso
Puntland: Ciidamo Mushahaar la’aan darteed ka Gadooday Boosaaso
Puntlandes.com
About The Author
